डोटी- निर्माण व्यवसायी संघ डोटीको आज सम्पन्न अधिवेशनबाट नयाँ नेतृत्व सर्वसम्मत रूपमा चयन भएको छ। अधिवेशनले अध्यक्षसहित सम्पूर्ण पदाधिकारी तथा कार्यसमिति सदस्यहरूलाई निर्विरोध निर्वाचित गरेको हो।

संघको अध्यक्षमा राजीव राज जोशी निर्विरोध चयन भएका छन्। त्यसैगरी प्रथम उपाध्यक्षमा गणेश मलासी, द्वितीय उपाध्यक्षमा लोक बहादुर बलायर, महासचिवमा शिव बहादुर खड्का, उप–महासचिवमा कृष्ण बहादुर लुहार, सचिवमा चेतराज जोशी र कोषाध्यक्षमा सरस्वती कुमारी खड्का निर्विरोध निर्वाचित भएका छन्।

त्यस्तै कार्यसमिति सदस्यहरूमा दीर्घ बहादुर साउँद, नृप बहादुर खड्का, धन बहादुर ओली, सुजित खड्का, रेखा खड्का, मुकेश जोशी, अमर खड्का, कौशिला रावत र खडक बहादुर बोहटी समेत निर्विरोध चयन भएका छन्।

नवनिर्वाचित सम्पूर्ण पदाधिकारी तथा सदस्यहरूलाई बधाई दिँदै सफल कार्यकालको शुभकामना व्यक्त गरिएको छ। सर्वसम्मत नेतृत्व चयनले संघभित्र एकता, सहकार्य र व्यवसायिक हितमा एकजुट भएर अघि बढ्ने सन्देश दिएको छ ।