डडेल्धुरा — अमरगढी नगरपालिकामा रहेको निर्माण व्यवसायी संघको निर्वाचन २०८३ अन्तर्गत कार्यसमितिका सबै पदाधिकारी तथा सदस्यहरू निर्विरोध निर्वाचित भएका छन्।
निर्वाचन समितिको कार्यालयले सार्वजनिक गरेको अन्तिम मत परिणामअनुसार अध्यक्षदेखि सदस्यसम्मका सबै पदमा एकल उम्मेदवारी परेकाले सम्पूर्ण उम्मेदवारहरू निर्विरोध विजयी घोषित गरिएको हो।
अध्यक्ष पदमा राम बहादुर विष्ट निर्वाचित भएका छन् भने प्रथम उपाध्यक्षमा सन्तोष कुमार खड्का, द्वितीय उपाध्यक्षमा टेक बहादुर साउँद, महासचिवमा सुरेश पाण्डेय, सचिवमा ज्ञान सिंह बुढाऐर र कोषाध्यक्षमा सञ्जय बहादुर विष्ट चयन भएका छन्।
त्यस्तै, खुला सदस्यतर्फ बलराम पनेरु, तारादत्त पनेरु, लोकराज भट्ट र विमल कुमार कर्की निर्विरोध निर्वाचित भएका छन्।
यसैगरि, महिला सदस्यमा इन्द्री देवी ओली, जनजाति सदस्यमा राज बहादुर थापामगर तथा अन्य सदस्यहरूमा मानसिंह धामी, दिल बहादुर थापा, राज बहादुर बोहरा र चन्द्रदेव बोहरा चयन भएका छन ।
निर्माण ब्यबसायी संघ डडेल्धुराका निवर्तमान अध्यक्ष भवानी दत्त अवस्थिको सभापतित्वमा भएको साधारण सभाको उदघाटन सत्रमा प्रमुख अतिथिका रुपमा नेपाल निर्माण ब्यबसायी महासंघका उपाध्यक्ष प्रकाश बहादुर सेठी, बिशिष्ठ अतिथिहरु प्रदेश निर्माण ब्यबसायी महासंघ सुदुरपश्चिमका अध्यक्ष लक्ष्मण कुमार स्वार, केन्द्रीय सदस्यद्वय लक्ष्मण बहादुर साउद, महेश सिंह धामी लगायतको निर्माण ब्यबसायीहरुको उपस्थिति रहेको थियो ।
