कैलाली– अबिरल बर्षासंगै आएको बाढीले सीमा सुरक्षार्थ निर्मित कैलालीस्थित सशस्त्र प्रहरीको दुई बीओपी भवन बगाएको छ। भने करिब आधा दर्जन बीओपिमा क्षती पुगेको छ।
शुक्रबार राति वर्षासँगै माेहना नदीमा आएकाे बाढीले धनगढी उपमहानगरपालिका-१९ लल्लिपुरमा रहेको सशस्त्र प्रहरीको बीओपीका तीनवटा भवनमध्ये दुईवटा नयाँ भवन बगाएको सशस्त्र प्रहरीले जनाएको छ। प्रहरीका अनुसार बाढीले एउटा २ काेठे र अर्को एक हल र एक काेठा रहेकाे दुई वटा भवन बगाएकाे हाे।
भजनी नगरपालिका-३, कुसुमघाट बीओपी, भजनी-५ पगियापसार बीओपी, टिकापुर नगरपालिका-७ कालाकुण्डा, कैलारी गाउपालिका-५ खोनपुर लगायत आधादर्जन बीओपीमा बाढीले क्षति पुर्याएको सशस्त्र प्रहरी गुल्म हेडक्वाटर नम्बर ३४ ले जानकारी दिएको छ।
शुक्रबार दिउसाेदेखि नै बीओपी भवन कटान शुरु गरेपछि सामान अन्यत्र सारिएको थियाे। शुक्रबार राति र शनिबार बिहान गरि भवन पूर्णरुपमा बगाएको सशस्त्र प्रहरीले जनाएकाे छ।
जिल्ला प्रहरी कार्यालय कैलालीका अनुसार मोहना नदीको बाढीले बीओपी भवन बगाएपछि बीओपीलाई सामुदायिक भवनमा सारिएको छ।