काठमाडौं- ललितपुरका सप्तपाताल पोखरीहरू नेपाली सेनाको सहयोगमा संरक्षण गरिने भएको छ ।

प्रधानसेनापति प्रभुराम शर्मा र ललितपुर महानगरका मेयर चिरिबाबु महर्जनले सोमबार सप्तपाताल भनिने दुई पोखरीको पुनर्निर्माण अगाडि बढाउन संयुक्त शिलान्यास गरेका छन् ।

सेनाको राजदल गणमा आयोजित कार्यक्रममा ‘बृहत्तर सप्तपाताल पोखरी संरक्षण परियोजना’ शुरु गरिएको हो ।

यसअघि गत १० जेठमा सेनाको लगनखेलस्थित राजदल गणको हाताभित्र अवस्थित दुईवटा पोखरीको पुनर्निर्माण गरी संरक्षण गर्नेसम्बन्धी समझदारी पत्रमा ललितपुर महानगर र सेनाबीच हस्ताक्षर भएको थियो ।

कार्यक्रममा बलाध्यक्ष रथी सरोजप्रताप राणा, नेपाली सेनाका रथीवृन्द तथा अधिकृतहरू, ललितपुर महानगरपालिकाका पदाधिकारीलगायतको उपस्थिति थियो ।