मेष- आज अनपेक्षित यात्रामा निस्किनुपर्ने हुन सक्छ। कुरा काट्नेहरूले सताउने छन्। आफन्तजन चिढिने सम्भावना छ, सतर्क रहनु होला। चल, अचल सम्पत्तिमा विवाद देखिने छ।
वृष- धोकेबाजहरूबाट सावधान रहनु होला। शरीरमा अल्छीपनले सताउला। स्वास्थ्य कमजोर रहन सक्छ, खानपानमा सावधानी अपनाउनु होला।
मिथुन- आज काममा खासै मन जाने छैन। आम्दानीका स्रोत बढ्न सक्छन्। अर्काको कुरा काट्ने बानीले आफैं समस्यामा परिएला। डुबेको धन हात लाग्न सक्छ।
कर्कट- व्यवसायमा लगानी बढाउने समय छ। सामाजिक र परोपकारजन्य क्रियाकलापमा मन जाला। कुनै कर्णप्रिय समाचारले दिन उत्साहमा बित्ने छ।
सिंह- अधुरा काम फटाफट सम्पादन हुने छन्। साथीभाइको राम्रो सहयोग प्राप्त होला। लामो समयको प्रेमलाई विवाहमा परिणत गराउन सफलता मिल्ला।
कन्या- आज प्रतिभा प्रस्फुटनको समय छ। यात्रामा निस्किने योग छैन। विवाद बढ्ने योग रहेकाले तौलिएर मात्र बोल्नु उचित हुनेछ। व्यापार, व्यवशाय आज त्यति उत्साहजनक रहने छैनन्।
तुला- गोष्ठी सेमिनारमा सहभागी हुने अवसर प्राप्त होला। चोटपटकको जोखिम रहेकाले कार्यक्षेत्रमा सावधानी अपनाउनु होला। पारिवारिक समस्या बढेर जानेछ।
वृश्चिक- आजको दिन उत्साहपूर्ण छ। प्रशस्त आम्दानी होला। रमाइलो जमघटबीच स्वादिष्ट व्यञ्जन प्राप्त हुनेछ। विपरीत लिंगीले पनि सहयोग गर्लान्।
धनु- आज प्रतिस्पर्धीहरू पराजित हुने छन्। व्यापार, व्यवसायमा सोचेभन्दा बढी नाफा आर्जन हुनेछ। परिवार सुख प्राप्त हुनेछ। व्यावसायिक यात्रामा निस्किनुपर्ने हुन सक्छ।
मकर- स्वास्थ्य कमजोर रहनाले दैनिक काममा अवरोध सिर्जना हुनेछ। सिर्जनात्मक गतिविधिमा मन जाला। विवादमा पर्ने सम्भावना भएकाले बोल्दा विचार गर्नु होला।
कुम्भ- पारिवारिक सुख प्राप्त हुनेछ। अध्ययन, अध्यापनका क्षेत्र सफल रहलान्। दाम्पत्य सुख प्राप्त हुनेछ। प्रशस्त आम्दानी हुने योग छ। धर्मकर्ममा मन जाला।
मीन- धर्मकर्म र परोपकारमा रुचि बढ्ने छ। सिर्जनात्मक गतिविधिमा लागेकाहरूका लागि दिन उत्साहपूर्ण रहने छ। व्यापार, व्यवसाय सफल रहलान्।
