मेष- पैत्रिक सम्पत्तिमा विवाद, दाजुभाइबीच अंशबण्डाको योग छ। सहकर्मीबीच प्रतिस्पर्धा बढ्नेछ। विश्वास पात्रबाट धोका होला।
वृष- एक्लोपनको अनुभूति हुनेछ। राहुको प्रभाव छ। विवाद, धनहानी, लाञ्छना लाग्न सक्छन्। पारिवारिक असमझदारी, बन्धुबान्धवसँग मनमुटाव र छटपटी बढ्न सक्छ।
मिथुन- पढाइको स्तर खस्किनेछ। पारिवारिक समस्या देखा पर्न सक्छ। साझेदारीमा पनि विवाद देखिन सक्छ। तथापि, परोपकार र मंगलका काम बन्ने योग छ, जसले मान सम्मान दिलाउने छ।
कर्कट- पेट र छातीको समस्या देखिन सक्छ। विद्यार्थीका लागि अनुकूल समय छ। अधुरा काम बन्ने र बौद्धिक कार्यमा सफलता मिल्ने योग छ। आकस्मिक धनलाभ पनि हुन सक्छ।
सिंह- नयाँ योजना कार्यान्वयन गर्ने समय छ। समाजसेवा र परोपकारमा मन जाला। राम्रो रोजगारी र रोजगारीमा रहेकाहरूको पदोन्नतिको सम्भावना छ। कर्मचारी वर्गले रोजेको ठाउँमा सरुवा पाउन सक्छन्।
कन्या- आफन्तबीच असमझदारी बढ्न सक्छ। झुटा आरोपको सामना गर्नुपर्ने हुन सक्छ। खेतीपाती र व्यवसायमा उन्नतिको योग छ। मनग्य धन आर्जन होला।
तुला- साना व्यक्तिको सहयोगमा ठूलो काम बन्न सक्छ। शिक्षामा राम्रो प्रगतिको योग छ। बौद्धिक प्रभाव बढ्ने र प्रशस्त अवसर पाउने योग छ। अध्ययनका लागि वैदेशिक यात्राको योग छ।
वृश्चिक- जागिरमा पदोन्नतीको योग छ। बेरोजगारहरूले नयाँ नोकरी प्राप्त गर्न सक्छन्। विश्वासमा पारेर धोका दिनेहरू सक्रिय छन्, सावधान रहनु होला। तथापि, कुरा काट्नेहरूले तपाईंको प्रशंसा गर्न थाल्नेछन्।
धनु- अचल सम्पत्ति आर्जनको योग छ। सामाजिक प्रतिष्ठा, मान सम्मान पाइने समय छ। जीवनसाथीको साथबाट कामहरू बन्ने छन्। शिक्षा र साझेदारीमा लाभ हासिल होला।
मकर- बुद्धि विवेकको उपयोगले काम बन्ने योग छ। सन्तान सुख मिल्नेछ। दीर्घकालीन योजनाहरू सहजै सम्पादन हुन सक्छन्।
कुम्भ- कृषि, पशुपालन, उद्योग र व्यापारमा लाभ हासिल हुन सक्छ। आम्दानीका प्रशस्त स्रोत प्राप्त हुन सक्छन्। मान सम्मान पाइनेछ।
मीन- व्यवसाय, कृषि कर्म र उद्योगधन्दामा सफलताको योग छ। आय आर्जनका स्रोतहरू जुट्ने छन्। पढाइ लेखाइमा सफलता हासिल हुने योग छ। अवसरले आफैं पछ्याउने छन्।
