काठमाडौं- काठमाडौंबाट खोटाङ सदरमुकाम दिक्तेल जाँदै गरेको बसमा आगो लागेको छ।

बा३ख ८९८१ नम्बरको बसमा हलेसी तुवाचुङ नगरपालिका–१ बाहुनीडाडाँ कदुवामा शनिबार दिउँसो आगलागी भएको हो। प्रहरीका अनुसार गाडीको इन्जिनमा समस्या आएकाले आगो लागेको हो। घटनामा मानवीय क्षति भएको छैन। बस भने पूर्ण रुपमा जलेको छ।

बसमा आगो लागेपछि चालकले रोकेर यात्रीलाई ओरोलेका थिए। सोही कारण ठूलो दुर्घटना टरेको छ। बसमा यात्री खचाखच भरिएका थिए। प्रहरीका अनुसार बसमा ३७ यात्रु थिए।