काठमाडाैं : काठमाडौंको माइतीघर मण्डलमा नागरिकता विधेयक प्रमाणीकरणको माग गर्दै पीडितले प्रदर्शन गरेका छन्।
मंगलबार नागरिकताविहीन संघर्ष समिति नेपालले नागरिकता विधेयक प्रमाणीकरणको माग गर्दै प्रदर्शन गरेका हुन्।
नागरिकताविहीन संघर्ष समितिका अध्यक्ष इन्द्रजित साफीका अनुसार अाज प्रदर्शनकाे छैठौं दिन हाे।
उनले भने, पछिल्लो ६ दिनदेखि हामी काठमाडौंमा आएर धर्ना दिइरहेका छौं।
उनीहरू यसअघि ८ पटक नागरिकता पाउनुपर्ने माग गर्दै काठमाडौं आइसकेका छन। प्रदर्शनमा २५-३० जनाकाे सहभागित रहेकाे छ।
उनीहरूले भनेका छन, राष्ट्रपतिलाई अनुरोध छ- आज अन्तिम दिन हो। प्रमाणीकरण गरिदिनुस्। हाम्रा आमा-बुवा दुबै नेपाली छन्। तर हामीले नागरिकता नपाएर आफ्नै देशमा शरणार्थी भएर बसेका छौं।
नागरिकता विधेयक प्रमाणीकरणका लागि राष्ट्रपति विद्यादेवी भण्डारीकहाँ पुगेको आज १५ दिन भएको छ।
संविधानअनुसार राष्ट्रपतिले आजसम्ममा नागरिकता विधेयक प्रमाणीकरण गर्नुपर्छ।
सभामुख अग्निप्रसाद सापकोटाले गत भदौ २० गते नागरिकता विधेयक प्रमाणीकरणका लागि दोस्रो पटक राष्ट्रपति कार्यालय पठाएका थिए।
यसरी एउटै विधेयक दोस्रो पटक प्रमाणीकरणका लागि पुगेपछि राष्ट्रपतिले अनिवार्य प्रमाणीकरण गर्नुपर्ने व्यवस्था संविधानको धारा ११३ को उपधारा ४ मा उल्लेख छ।