रौतहट- रौतहटको देवाही गोनाही नगरपालिका-१ करुनियास्थित लालबकैया खोलामा नुहाउने क्रममा मङ्गलबार दिउँसो डुबेर बेपत्ता भएका तीन बालबालिकामध्ये एक बालक र एक बालिकाको शव फेला परेको छ।

स्थानीय १० वर्षीय बालक मोहमद रहमतुल्लाह र सोही उमेरकी बालिका सवनम खातुनको शव आज बिहान फेला परेको जिल्ला प्रहरीका डीएसपी वसन्त गौतमले जानकारी दिए।

घटनास्थलभन्दा करिब पाँच किमी दक्षिण परोहा नपा-२ जिङ्गडवास्थित लालबकैया खोला किनारमा करिब २०० मिटरको दूरीमा शव फेला परेको प्रहरीले जनाएको छ।

बेपत्ता रहेका अर्का बालकको खोजी जारी छ।