काठमाडौँ । नेपाली राष्ट्रिय क्रिकेट टिम आगामी मे महिनामा क्यानाडा जाने भएको छ । नेपाली टिमले क्यानाडियन राष्ट्रिय टिमसँग दुई टी २० र तीन वटा वन डे सिरिजका खेल्ने भएको छ ।

यसबारे पूर्व कप्तान एवं राष्ट्रिय टोलीका व्यवस्थापक विनोद दास र नेप्लिज क्यानेडियन क्रिकेट क्लबका अध्यक्ष किरोज श्रेष्ठबीच छलफल भएको छ । त्यस क्रममा नेपाली टिम क्यानाडा आउनेबारे समझदारी भएको हो ।

टि २० खेलहरू टोरन्टोस्थित नर्थ योर्कको किङ सिटी मैदानमा खेलिने क्लबका अध्यक्ष श्रेष्ठले बताए । तीनवटा वन डे खेलहरूका लागि भने स्थान टुंगो लगाउन बाँकी रहेको छ ।