कैलाली– कैलालीको चिसापानीस्थित कर्णाली नदीमा सशस्त्र प्रहरीले प्रदेशस्तरिय जलउत्पन्न प्रकोप तथा आगलागी सम्बन्धी कृतिम घटना अभ्यास सम्पन्न गरेको छ। नेपाल रेडक्रस सोसाइटी कैलाली शाखाको समन्वयमा शुक्रवार चिसापानीस्थित कर्णाली नदीमा सशस्त्र प्रहरी बल, नेपाल नं.७ बैद्यनाथ वाहिनी मुख्यालय कैलालीले उक्त अभ्यास सम्पन्न गरेको हो।
सशस्त्र प्रहरी बल, नेपाल नं.७ बैद्यनाथ वाहिनीका प्रवक्ता एवं सशस्त्र प्रहरी वरिष्ठ उपरीक्षक (एसएसपी) रमेशकुमार पाण्डेले कैलालीको लम्कीचुहा नगरपालिका-३ चिसापानीस्थित कर्णाली नदीको किनारामा उक्त कार्यक्रम आयोजना गरिएको बताए।
जलद्वारा उत्पन्न हुने विभिन्न प्रकोपका घटनामा परेका अथवा फसेका व्यक्तिहरूलाई नदी वा पानीमा नपरी डोरी र लाठीको सहायताद्वारा गरिने ड्राई रेस्क्यू, वोटद्वारा गरिने रेस्क्यू, विभिन्न इम्प्रोभाइज फ्लोटिङ्ग डिभाईसद्वारा गरिने रेस्क्यू, अपर वाटर रिभर क्रसिङविधिद्वारा गरिने उद्धार अभ्यासहरू र उद्धारकद्वारा पौडी खेलेर पानीमा डुब्न लागेका व्यक्तिको उद्धार अभ्यासको प्रदर्शनी गरिएको प्रबक्ता पाण्डेयले बताए।
कार्यक्रममा सुदूरपश्चिम प्रदेशका आन्तरिक मामिला तथा कानून मन्त्रालयका सचिव सुशिलकुमार बैद्यलगायत करीब ३०० जनाको उपस्थितिमा आगलागी, मनसुनको सुरुवातसंगै हुनसक्ने जल उत्पन्न प्रकोप (बाढी, पहिरो, डुबान) तथा प्रतिकार्यका निमित्त विपद् व्यवस्थापन जोखिम न्यूनीकरण सम्बन्धी कृत्रिम अभ्यास गरिएको थियो।
सो अवसरमा जलद्वारा उत्पन्न हुने विभिन्न प्रकोपका घटनामा परेका अथवा फसेका व्यक्तिहरूलाई नदी वा पानीमा नपरी डोरी र लाठीको सहायताद्वारा गरिने ड्राई रेस्क्यू, वोटद्वारा गरिने रेस्क्यू, विभिन्न इम्प्रोभाइज फ्लोटिङ्ग डिभाईसद्वारा गरिने रेस्क्यू, अपर वाटर रिभर क्रसिङविधिद्वारा गरिने उद्धार अभ्यासहरू र उद्धारकद्वारा पौडी खेलेर पानीमा डुब्न लागेका व्यक्तिको उद्धार अभ्यासको प्रदर्शनी गरिएको थियो।