मेष- सुखद समाचार मिल्नाले उल्लासपूर्ण दिन बित्ला। ठीक समयमा सही निर्णय लिन सकिने र कार्य सम्पादनको क्षमता हासिल हुने योग छ। दीर्घकालीन लगानी गर्ने योग परेको छ।
वृष- व्यापार व्यवसायमा सामान्य, कृषि र पशुपालनमा पर्याप्त फाइदा होला। प्रतिस्पर्धीहरू सहजै पछारिने छन्। आश्वासन बाँड्नेसँग नझुक्किनु होला।
मिथुन- खानपानमा ध्यान नपुर्याउँदा स्वास्थ्य बिग्रेला। छिमेकीसँग विवाद हुन सक्छ। समस्यामाथि समस्या थपिन सक्छन्। स-साना कामले नै अल्झाउने छन्।
कर्कट- डाहा गर्नेहरूबाट सावधान रहनु होला, काम बिगारिदिन सक्छन्। तथापि, विवेकपूर्ण व्यवहारले प्रतिस्पर्धीहरू सहजै वशमा पर्लान्। वैदेशिक क्षेत्रबाट विशेष लाभ प्राप्त होला।
सिंह- बोलीको प्रभाव बढ्ने योग छ। प्रयास गर्दा अवरुद्ध कामहरू सम्पादन हुन सक्छन्। भौतिक साधन प्राप्त हुने योग छ। साझेदारी व्यवसायमा लाभ हासिल होला।
कन्या- आतिथ्यपूर्ण सम्मान प्राप्त होला। रमणीय यात्राको योग छ। पुराना समस्यामा अल्झिनु पर्ला। लक्ष्य हासिल गर्न कठिन छैन। प्रतिष्ठा प्राप्त होला।
तुला- सम्मानपूर्ण आतिथ्य र स्वादिष्ट भोजनको योग छ। परिवारजनसँग आत्मीयता प्रगाढ हुनेछ। टाढिएका साथीभाइ पनि नजिकिने छन्। गरेका कामको जश पाउनु होला।
वृश्चिक- मिहिनेतको लाभ हासिल होला। सहयोगीहरूले विपक्षीलाई साथ दिँदा चुनौती खडा होला। अप्ठ्यारा परिस्थितिसँग सम्झौता गर्नुपर्ला। काममा अवरोध हुने योग छ।
धनु- साथीभाइको राम्रो साथ सहयोग पाइएला। परिवारजनले पनि पर्याप्त मद्दत गर्नेछन्। आम्दानीका नयाँ मार्गहरू पत्ता लाग्ने योग छ।
मकर- प्रेम र मित्रताको बन्धन कसिने छ। प्रणय प्रसंगमा रमाउने योग छ। उपहार प्राप्त होला। सोचेका काम सहजै सम्पादन होलन्। इच्छाशक्ति अझ प्रबल बन्ने योग छ।
कुम्भ- अधिकार प्राप्तिका लागि संघर्ष गर्नु पर्ला। आर्थिक अभाव हुने योग छ। तर, सोचेको काम बन्नाले मन हर्षित होला। दीर्घकालीन योजनाहरू अगाडि बढाउनु होला।
मीन- मिहिनेतले अवसरको ढोका खोल्नेछ। जीवनशैलीमा परिवर्तन ल्याउन सकिने छ। बोलीको प्रभाव बढ्ने योग छ। प्रतिस्पर्धीहरू पराजित होलान्।
