काठमाडौँ । शुक्रबार नेपाली बजारमा सुन चाँदीको मूल्य घटेको छ । सुनको मूल्य प्रतितोला सय रुपैयाँ र चाँदी प्रतितोला पाँच रुपैयाँले घटेको हो ।

नेपाल सुनचाँदी व्यवसायी महासंघका अनुसार छापावाल सुन प्रतितोला ९४ हजार एक सय र तेजावी सुन प्रतितोला ९३ हजार ६ सय रुपैयाँमा कारोबार भइरहेको छ । बिहीबार सुन तोला ९४ हजार २०० रुपैयाँमा कारोबार भएको थियो ।

आज चाँदीको मूल्य प्रतितोला एक हजार १८५ रुपैयाँमा कारोबार भइरहेको महासंघले जनाएको छ ।