काठमाडौं- अन्तिम समयमा माधवकुमार नेपाललाई धोका दिएर एमालेमै रहेका डा. भीम रावलले यसपटक अछाम निर्वाचन क्षेत्र नम्बर १ मा एमालेबाट प्रतिनिधिसभाको टिकट पाएनन्।
उनको ठाउँमा माओवादी छाडेर एमाले प्रवेश गरेका सुदूरपश्चिम प्रदेशका पूर्वमन्त्री झपट बोहरालाई एमालेले उम्मेदवार बनाएको छ।
डडेलधुरामा भने एमालेले कांग्रेस सभापति शेरबहादुर देउवाविरुद्ध उम्मेदवारी दिएका कर्ण मल्ललाई समर्थन गर्ने भएको छ।
प्रतिनिधिसभा सदस्यमा बाजुरामा कर्ण थापा, बझाङमा युवा नेता ऐन महर, दार्चुलामा गणेश ठगुन्ना, बैतडीमा दामोदर भण्डारी, डोटीमा गौरी ओली र अछाम–२ बाट यज्ञ बोगटीले टिकट पाएका छन्।
कञ्चनपुर क्षेत्र नम्बर १ मा तारा लामा, २ मा नरबहादुर धामी र ३ मा निरु पालले टिकट पाएका छन्। कैलाली क्षेत्र नम्बर १ मा टपेन्द्र रावल, २ मा झपट रावल, ३ मा गौरीशंकर चौधरी, ४ मा लेखराज भट्ट र ५ मा नारदमुनि रानाले टिकट पाएका छन्।