काठमाडौं- एमाले अध्यक्ष केपी ओलीले निरन्तर कोपभाजन गर्दै आएका कृष्णभक्त पोखरेलले अन्ततः चितवन क्षेत्र नम्बर २ बाट टिकट पाएका छन्।

५ पुस ०७७ मा ओलीले हठात प्रतिनिधिसभा विघटन गरेपछि त्यसविरुद्ध उभिएका र सर्वोच्च अदालतमा बहस गरेका पोखरेललाई ओलीले निरन्तर कोपभाजनमा पार्दै आएका थिए। नवौं महाधिवेशनमा केन्द्रीय सदस्यसमेत नदिएका ओलीले उक्त क्षेत्रमा पोखरेलबाहेक बलिया उम्मेदवार नभेटेपछि टिकट दिन बाध्य भएका हुन्।

प्रतिनिधिसभाको मानवअधिकार समितिको सभापतिसमेत रहेका पोखरेलको सारथिका रूपमा प्रदेशसभा ‘क’मा कृष्ण सिलवाल र ‘ख’मा देवी ज्ञवालीले टिकट पाउने भएका छन्।