काठमाडौं- नेपाली बजारमा अमेरिकी डलरको मूल्य बिहीबार अझ उच्च विन्दुमा पुगेको छ।

नेपाल राष्ट्र बैंकका अनुसार बिहीबार डलरको खरिद दर १३० रुपैयाँ ८१ पैसा र बिक्री दर १३१ रुपैयाँ ४१ पैसा कायम भएको छ। यो हालसम्मकै सर्वाधिक उच्च विन्दु हो।

यस्तै, बिहीबार युरोको मूल्य खरिद दरतर्फ १२५ रुपैयाँ २२ पैसा र बिक्री दर १२५ रुपैयाँ ७९ पैसा कायम गरिएको छ।

बिहीबार पनि कुवेती दिनारले सर्वाधिक महँगो मुद्राको रेकर्ड कायम राखेको छ। कुवेती दिनारको खरिद दर ४२० रुपैयाँ ८१ पैसा र बिक्री दर ४२२ रुपैयाँ ७४ पैसा कायम गरिएको छ।

कुवेती दिनारलाई पछ्याउँदै बहराइनको दिनारको खरिद दर ३४६ रुपैयाँ ६१ पैसा र बिक्री दर ३४८ रुपैयाँ २० पैसा कायम भएको छ।

यस्तै, साउदी रियाल १ को खरिद दर ३४ रुपैयाँ ७५ पैसा र बिक्री दर ३४ रुपैयाँ ९१ पैसा कायम गरिएको छ। कतारी रियाल १ को खरिद दर ३५ रुपैयाँ ७७ पैसा र बिक्री दर ३५ रुपैयाँ ९३ पैसा कायम भएको छ।