पाँचथर- सदरमुकाम फिदिममा बुधबार भएको मोटरसाइकल दुर्घटनामा श्रीमानको मृत्यु भएको छ भने श्रीमती घाइते भएकी छन्।

फिदिम–४ मा भएको मोटरसाइकल दुर्घटनामा कुम्मायक गाउँपालिका-३ का २४ वर्षीय भीमबहादुर माझीको मृत्यु भएको हो। प्रहरीका अनुसार दुर्घटनामा मोटरसाइकलको पछाडि बसेकी भीमबहादुरकी १९ वर्षीया श्रीमती सुष्मिता माझी घाइते छिन्।

सुस्मिताको शरीरमा धेरै चोटपटक लागेको र अवस्था जटिल रहेको प्रहरीले जनाएको छ।