सल्यान- सल्यानमा जिप दुर्घटना हुँदा परेर आठजनाको मृत्यु भएको छ।

सल्यानको कपुरकोट गाउँपालिका रिमनजिकै दुर्घटना हुँदा ८ जनाको मृत्यु भएको हो। प्रहरीका अनुसार बाँकेको ढकेरीबाट गएको जित बुधबार बिहान २ बजे दुर्घटनामा परेको हो।

दुर्घटनामा मृत्यु भएकाहरू परिचय खुल्न सकेको छैन। दुर्घटनामा गम्भीर घाइते भएका एक जनालाई उपचारको लागि कपुरकोट गाउँपालिकाको एम्बुलेन्समा दाङ लगिएको प्रहरीले जनाएको छ।

प्रहरीका अनुसार जिप सडकबाट करिब दुई सय मिटर तल खोंचमा खसेको छ। गाडीमा नौ जना सवार रहेको प्रहरीको भनाइ छ।