नयाँदिल्ली- भारतका एक अटो चालकले आफ्नो भाग्य एक दिनमै चम्किन्छ भन्ने सोचेका पनि थिएनन्। तर, एक दिनअघि छोराको खुत्रुके फुटाएर किनेको टिकटले उनलाई भोलिपल्टै २५ करोड भारतीय रुपैयाँको चिठ्ठा हात लगाएको छ।

भारत केरलाका ३० वर्षीय श्रीबरहमका अनुपलाई २५ करोड रुपैयाँको चिठ्ठा परेको हो। उनले गत शनिबार पाँच सय रुपैयाँको टिकट किनेका थिए। त्यसबाट प्राप्त हुने २५ करोडमध्ये उनले कर कटाएर १५ करोड ७५ लाख भारु पाउने भएका छन्।

चिठ्ठा जितेको खबर उनकी श्रीमती मायाले दिँदा उनलाई शुरुमा त विश्वास लागेन। तर, विश्वास गर्नैपर्‍यो। वैदेशिक रोजगारीमा मलेसिया जाने तयारीमा रहेका उनी एकाएक करोडपति बनेका छन्। अटो किनेर चलाउनुअघि उनी फुटपाथमा बसेर खाजा बेच्थे।