काठमाडौँ । सप्तकोसी नदीमा हाम फालेर आत्महत्याको प्रयास गर्ने एक जनाको उद्धार गरिएको छ ।

सप्तरीको हनुमाननगर कंकालिनी नगरपालिका १ स्थित सप्तकोसीमा हाम फालेका झापाको कमल गाउँपालिका ५ का ४१ वर्षीय बुधुन्द्रप्रसाद लिम्बूको उद्धार गरिएको प्रहरी उपरीक्षक प्रदीप खड्काले जानकारी दिए ।

उनलाई तत्कालै सशस्त्र प्रहरी बल, नेपाल सुरक्षा बेस भारदहबाट खटिएको वरिष्ठ हबल्दार उद्धवप्रसाद चौलागाईं नेतृत्वको टोलीले स्थानीयको सहयोगमा उद्धार गरेको हो ।

लिम्बूलाई सम्झाइबुझाइ घरतर्फ पठाइएको सशस्त्र प्रहरीले जनाएको छ ।