काठमाडौँ । नेपाल क्रिकेट संघ क्यानले राष्ट्रिय क्रिकेट टोलीमा २३ सदस्यीय टोली छनोट गरेको छ । जिम्बाबेविरुद्ध एक दिवसीय र टी २० शृंखला खेल्नका लागि शुक्रबार २३ सदस्यीय टोलीको घोषणा गरेको हो ।

छनोट भएको नयाँ टोलीमा सुनिल धमला र विनोद भण्डारीले लामो समयपछि टिममा पुनरागमन गरेका छन् । यस्तै, यु–१९ टोलीका अलराउण्डर बसिर अहमदले पहिलोपटक सिनियर टिममा परेका छन् । टोलीमा ज्ञानेन्द्र मल्ल र शरद भेषवाकर पर्न सकेनन् ।

नेपाल र जिम्बाबे ए टिमबीच तीन एक दिवसीय र तीन टी २० खेल हुने भएको छ । १७ वैशाखदेखि एक दिवसीय शृंखला शुरु हुने छ भने टी २० शृंखलाको खेल २३ गतेदेखि हुने भएको छ ।