मुम्बई- आलिया भट्ट र रणवीर कपूरको विवाह अहिले चर्चामा छ। यो जोडी १७ अप्रिलमा विवाह बन्धनमा बाँधिने भारतीय सञ्चारमाध्यमले जनाइरहेका छन्।
आलियाले भारतीय सिनेक्षेत्रमा आफ्नो स्थान बनाइसकेकी छन्। २९ वर्षीय आलिया चाँडै दुलहीको भेषमा सजिने भएकी छन्। आलियासँगै अरू अभिनेत्रीहरूले ३० वर्षभित्रमै विवाह गरेका थिए।
नीतू कपुर
नीतू कपूरले २१ वर्षको उमेरमा ऋषि कपुरसँग विवाह गरेकी थिइन्। नीतू र ऋषिले सन् १९८० मा प्रेम विवाह गरेका थिए। ऋषि कपुरसँग विवाह गर्दा नीतू बलिउडकी टप अभिनेत्रीमध्ये एक थिइन्। तर विवाहपछि उनी सिने जगतबाट टाढै बसिन्।
डिम्पल कपाडिया
अभिनेत्री डिम्पल कपाडियाले १६ वर्षमा विवाह गरेकी थिइन्। उनले राजेश खन्नासँग विवाह गरेकी हुन्। दुवै जनाले सन् १९७३ मा विवाह गरेका थिए। दुवैबीच १६ वर्षको अन्तर थियो।
भाग्यश्री
चलचित्र ‘मैने प्यार किया’बाट चर्चित भएकी भाग्यश्रीले पनि २१ वर्षको उमेरमा विवाह गरेकी थिइन्। उनले प्रेमी हिमालयसँग विवाह गरेकी हुन्।
दिव्या भारती
दिव्या भारतीले सन् १९९२ मा चलचित्र निर्देशक साजिद नाडियाडवालासँग विवाह गरेकी थिइन्। विवाह गर्दा उनी १८ वर्षकी थिइन्। तर, विवाह भएको केही समयपछि दिव्याको मृत्यु भएको थियो। उनको मृत्यु अहिले पनि रहस्यका रूपमा अर्थ्याइने गरेको छ, बलिउडमा।
सायरा बानो
७०औं दशकको चर्चित जोडी दिलीप कुमार र सायरा बानोले ११ अक्टुबर १९६६ मा विवाह गरेका थिए। विवाह गर्दा सायरा २२ वर्षकी र दिलीप ४४ वर्षका थिए। सायराले दिलीपलाई मन पराउँथिन्। त्यसैले उनीहरू विवाह बन्धनमा बाँधिएका थिए।
