मुम्बई- अभिनेता शाहरख खानका छोरा आर्यन खान निर्देशकका रुपमा डेब्यू गर्ने भएका छन्।

उनले रेड चिलिज इन्टरटेनमेन्टका लागि एक वेब सिरिज र फिचर सिनेमामा काम गर्दैछन्। आर्यन लामो समयदेखि सिरिज बनाउनमा व्यस्त थिए।

भारतीय सञ्चारमाध्यमका अनुसार कथावस्तु लेख्नुका साथै आर्यन निर्देशन पनि गरिरहेका छन्। आर्यन आफ्नो कामलाई लिएर धेरै नै गम्भीर देखिन्छन्। यसका साथै प्री–प्रोडक्सनको काम पनि शुरु भइसकेको छ। चाँडै नै सुटिङ मिति तोकिने छ।

शाहरुख खानले पहिलेदेखि नै छोरालाई अभिनयभन्दा पनि निर्देशकमा रुचि भएको बताउँदै आएका थिए। उनले एक अन्तरवार्तामा भनेका छन्, ‘आर्यन चार वर्षदेखि लेख्न र निर्देशन गर्न सिकिरहेका छन्। छोरी सुहानालाई भने अभिनयमा रुचि छ।’