काठमाडौं- मानिसको शरीरमा हुने पत्थरीबारे त हामी धेरैले सुनेका छौं। तर, पत्थरी के कारणले हुन्छ ? पत्थरी हुँदा के खाने, के नखाने भन्नेबारे चाहीं थोरैलाई मात्र थाहा छ।
विशेष गरी मानिसको शरीरमा अचानक देखापर्ने पत्थरी विभिन्न कारणले हुने गर्छ। यस्ता पत्थरी युरिक एसिड क्रिस्टल, फोस्फोरिक एसिड र क्याल्सियम ओग्ज्यालेट क्रिस्टल गरी तीन किसिमका हुन्छन्।
कारण
– गलत खानपान
– पानी तथा तरल पदार्थको कम सेवन
– अधिक नुनको सेवन
– जन्मजात रूपमै मेटाबोलिजमको असन्तुलन देखिनु
– हाइपर थाइराइटिजम
– उच्च तौल तथा मोटोपना
– उच्च रक्तचाप तथा मधुमेह
– र, आणुवंशिक
के गर्ने ?
– खानपिनमा विशेष ध्यान पुर्याउने
– चिल्लो, पिरो खानेकुराको कम सेवन गर्ने
– दैनिक व्यायाम गर्ने
– पानी प्रशस्त पिउने
– धेरैबेरसम्म पिसाब नरोक्ने
– बेलाबेलामा स्वास्थ्य परीक्षण गर्ने
– वर्षमा एकपल्ट अल्ट्रासाउन्ड गरेर पत्थरी भए नभएको जाँच गर्ने
पत्थरी छ भने शुरुमै सतर्कता अपनाउन सकिन्छ। सानो ढुंगा छ भने प्रशस्त मात्रामा पानी पिएको खण्डमा पनि त्यसलाई निकाल्न सकिन्छ। ठूलो छ भने अपरेसन नै गर्नुपर्ने, औषधि नै खानुपर्ने अवस्था आउँछ।
(सशस्त्र प्रहरी अस्पतालका फिजिसियन डा. झासँग कुराकानीमा आधारित)
