(१) रगतमा कोलस्ट्रोल बढ्नु मुटुका लागि हानिकारक हुन्छ । र, क्यान्सर हुने एउटा कारण पनि हो यो । शाकाहारी खाना नै कोलस्ट्रोल घटाउने उत्तम उपाय हो । शाकाहारी खानामा कोलस्ट्रोल बढाउने तत्व कम हुन्छन् ।
(२) मासु, कलेजो, अन्डाको पहेँलो भाग, दूध, घिउ, मख्खन आदि अत्यधिक कोलस्ट्रोल भएका खाद्यपदार्थ हुन् । यिनको मात्रा कम गरौँ ।
(३) सूर्यमुखी, मकै, भटमास, शुद्ध तोरीको मात्रा पनि मिलाएर खानुपर्छ । काजु, बदामजस्ता नट्स सेवन गर्दा शरीरलाई आवश्यक तेल पुग्छ ।
(४) माछा, कुखुरा र टर्कीको मासुमा कम बोसो हुन्छ । त्यसैले तिनको प्रयोग बढाऊँ ।
(५) खसी, बोका, भेडा, च्यांग्रा, बँदेल, बंगुरको मासुमा अत्यधिक स्याचुरेटेड फ्याट हुन्छ । तिनको मासु कम खाऔँ ।
(६) खाना पकाउँदा तेल कम राखौँ । दाल, भटमास, सिमी, मटरमा प्रोटिन पाइन्छ । त्यस्ता वस्तु बढी खाऔँ ।
(७) सागपात, हरियो तरकारी, फलफूल, गहँु, चामल र दाल अत्यन्त फाइदाजनक छन्, जसको प्रशस्त सेवन गरौँ ।
(८) माछाको तेल, सिमी, बोडी, भटमास, ओखर, कागती, बदामबाट तयार पारिएका खाद्यपदार्थ खाऔँ ।
