काठमाडौँ । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ‘प्रेमगीत ३’ हेरेका छन् । उनले आइतबार साँझ गृह जिल्ला चितवनको इन्द्रदेव हलमा उक्त फिल्मी हेरेका हुन् ।

उनको साथमा फिल्म हेर्ने भरतपुर महानगरकी मेयर तथा प्रचण्ड पुत्री रेनु दाहाल, पार्टीका जिल्ला अध्यक्ष रामचन्द्र अधिकारीसहितको टोली फिल्म हल पुगेका थिए । पूरै फिल्म हेरेका प्रचण्डले सञ्चारकर्मीसँग फिल्मको प्रशंसा गर्न भ्याए ।

उनले फिल्म हेरिरहँदा आफूलाई बाल्यकालको याद आएको भन्दै उनले नेपालको पर्यटन विकासमा फिल्मले टेवा पुग्ने समेत बताए ।

‘धेरै समयपछि फिल्म हलमा आएर फिल्म हेर्ने अवसर जुट्यो, काठमाडौंबाट आउने बित्तिकै साथीहरूले कुरा गर्नु भयो, विश्वभरि चलेको छ, चर्चित भएको छ भनेपछि हामीले फिल्म भोलि हेर्ने भनेर आज हेरियो,’ उनले भने ।