काठमाडौं- ललितपुर ललितपुर महानगरपालिका-७ ग्वार्को पुलस्थित सडकमा बा.२ ख ६५१० नम्बरको ट्याङ्करको ठक्करबाट पैदलयात्री सोही महानगरपालिका-७ मङ्गलबजार बस्ने ४२ वर्षीय राज महर्जनको शुक्रबार राति मृत्यु भएको छ । ठक्करबाट गम्भीर घाइते भएका उनको पाटन अस्पतालतर्फ लैजाने क्रममा बाटोमै मृत्यु भएको हो । ट्याङ्कर चालकलाई प्रहरीले नियन्त्रणमा लिएको छ ।
झापा दमक नगरपालिका-१ बरगाछी चोकमा मे.१ त ७९४२ नम्बरको ट्याक्टर र मे.६ प ३९७६ नम्बरको मोटरसाइकल एकआपसमा ठक्कर खाई शुक्रबार दिउँसो दुर्घटना हुँदा मोटरसाइकल चालक मोरङ मिक्लाजुङ गाउँपालिका बस्ने तेह्रथुम श्रीजुङ गाउँपालिका-६ घर भएका ६१ वर्षीय मित्र प्रसाद शर्माको घटनास्थलमै मृत्यु भएको छ । हाल फरार ट्याक्टर चालकको प्रहरीले खोजी गरिरहेको छ ।
यसैगरी झापा अर्जुनधारा नगरपालिका-६ पुष्पलाल चोकस्थित सडकमा प्र.१-०१-००१ च ९१०७ नम्बरको गाडीको ठक्करबाट पैदलयात्री सोही ठाउँ बस्ने ५३ वर्षीय कृष्ण निरौलाको शनिबार बिहान घटनास्थलमै मृत्यु भएको छ । साथै सोही गाडीको ठक्करबाट घाइते भएका १ जना पैदलयात्रीको बिएण्डसी अस्पताल बिर्तामोडमा उपचार भइरहेको छ । गाडी चालकलाई प्रहरीले नियन्त्रणमा लिएको छ ।
दैलेख गुराँस गाउँपालिका-२ केराबारीस्थित सडकमा ना.४ ख.६८५४ नम्बरको बसलाई ओभरटेक गर्ने क्रममा कर्णाली प्रदेश ०२-००१ प ७४५९ नम्बरको मोटरसाइकल पल्टिएर शुक्रबार दिउँसो दुर्घटना हुँदा मोटरसाइकल चालक सुर्खेत वीरेन्द्रनगर नगरपालिका-१२ बस्ने २६ वर्षीय खगेन्द्र बिकको मृत्यु भएको छ । दुर्घनामा गम्भीर घाइते भएका उनको माया नर्सिङ होम सुर्खेतमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको छ ।
सुनसरी बराहक्षेत्र नगरपालिका-९ सयपत्री चोकमा को.३१ प ५३९६ नम्बरको मोटरसाइकल आफै अनियन्त्रित भई शनिबार दिउँसो दुर्घटना हुँदा मोटरसाइकल चालक सोही नगरपालिका-९ राजाबास बस्ने २३ वर्षीय अमृत बिकको मृत्यु भएको छ । दुर्घटनामा गम्भीर घाइते भएका उनको बिराट नर्सिङ होम विराटनगरमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ ।
महोत्तरी जलेश्वर नगरपालिका-४ सुगास्थित सडकमा ज.१ त ९९४८ नम्बरको ट्याक्टरको ठक्करबाट पैदलयात्री सोही ठाउँ बस्ने ४० वर्षीया देबकली महतोको शनिबार दिउँसो घटनास्थलमै मृत्यु भएको छ । हाल फरार ट्याक्टर चालकको प्रहरीले खोजी गरिरहेको छ ।