लन्डन- एक नयाँ अध्ययनअनुसार कोरोनाका अन्य भेरियन्टको तुलनामा ओमिक्रोनको संक्रमणका कारण अस्पताल भर्ना हुनुपर्ने दर कम रहेको अध्ययनले देखाएको छ ।
अध्ययनअनुसार ओमिक्रोन संक्रमितमध्ये अस्पताल भर्ना हुनुपर्ने दर ५० देखि ७० प्रतिशतसम्म कम छ । बेलायती हेल्थ सेक्युरिटी एजेन्सीको यो शुरुवाती जानकारी उत्साहित बनाउने प्रकारको छ । तर, फेरि पनि भविष्यमा यो भेरियन्टका संक्रमितलाई ठूलो संख्यामा अस्पताल पु¥याउनुपर्ने हुन सक्छ ।
अध्ययनअनुसार कोभिड-१९ खोप लगाएको आठ सातापछि मात्र ओमिक्रोन संक्रमणबाट बचाउने क्षमता शरीरमा विकास हुने गरेको पाइएको छ ।
यो ताजा विश्लेषण गत नोभेम्बरमा बेलायतमा भित्रिएको ओमिक्रोन र डेल्टा संक्रमणमा आधारित छ । यसमा एक सय ३२ संक्रमितलाई सहभागी गराइएको थियो । अस्पतालमा भर्ना गरिएका बिरामीलाई मात्र यसमा सामेल गरिएको थियो ।
ओमिक्रोन भेरियन्टबाट २८ दिनमा १४ जनाको मृत्यु भएको छ । ओमिक्रोनको प्रसार तीव्र हुने भएकाले अस्पतालहरूमा दबाब बढ्न सक्ने अनुमान पनि छ ।
ज्येष्ठ नागरिकहरू माथि ओमिक्रोनको कस्तो प्रभाव हुन्छ भन्ने निश्चित छैन । हालसम्म ओमिक्रोनका कारण अस्पताल पुग्ने अधिकांश बिरामी ४० वर्षभन्दा कम उमेरकै छन् ।
