हामीले काम लाग्ने मान्छे देऊ भन्छौं
उनले काम नलाग्ने थोत्रा भिडाउँछन्

हामीले बाटो देऊ भन्छौं
उनले मेट्रो दिन्छु भन्छन्

हामीले पानी देऊ भन्छौं
उनले पानीजहाज दिन्छु भन्छन्

हामीले सिटामोल चाहियो भन्छौं
उनले सित्तैंमा उपचार गराउँछौं भन्छन्

हामीले सुशासन देऊ भन्छौं
उनले फ्री भिसा, फ्री टिकट दिन्छु भन्छन्

यिनका हवाई गफका पुलिन्दा
सुनी नसक्नु छ

राजनीतीलाई व्यापार बनाउनेको
अनुहार मन पर्दैन भन्न पनि नपाउने

पुग्यो है पुग्यो अब
ती अनुहार दोह¥याएर हेर्ने मन छैन

देशको साँचो तिनलाई सुम्पेर
आफ्नो भाग्यमा अब ताला ठोक्नु छैन

पुलिस लगाउँछु
जरिवाना ठोक्छु
त्यति मात्रै हो र !
थुन्छु पनि भन्दैछन्

यसैको लागि रहेछ
लोकतन्त्र
यही रहेछ
मानवअधिकार

पशुपतिनाथले कल्याण गर्ने छन्