काठमाडौँ । आज नेपाली राष्ट्रिय क्रिकेट टोलीले घरेलु टोली केन्याविरुद्धको एक दिवसीय सिरिजको पहिलो खेल खेल्ने भएको छ ।

आजको खेलमा नेपाली टोलीको कप्तान रोहित कुमार पौड्यलले गर्ने भएका छन् । उनी राष्ट्रिय टोलीका उप कप्तान हुन् ।

कप्तान सन्दिप लामिछाने क्यारेबियन प्रिमियर लिगका लागि वेस्ट इण्डिज गएका छन् । लामिछाने वेस्ट इण्डिज पुगेसँगै रोहितले कप्तनी गर्ने मौका पाएका हुन् ।

नैरोवीस्थित जिमखाना क्रिकेट मैदानमा हुने नेपाल र केन्याबीचको खेल दिउँसो १२ः४५ बजेदेखि सुरु हुने भएको छ । यसअघि केन्याविरुद्धको पाँच खेलको टी–२० अन्तर्राष्ट्रिय सिरिज नेपालले ३–२ ले जितेको थियो ।