काठमाडौँ । यही शुक्रबार अभिनेत्री नीता ढुंगानाको विवाह हुँदै छ । विवाहअघि उनले ‘ब्याचलर पार्टी’ दिएकी छन् ।

उनले आफ्ना नजिकका साथीहरूलाई बोलाएर सोमबार होटल याक एण्ड यतीमा ‘ब्याचलर पार्टी’ दिएकी हुन् । उनले आफ्नो फेसबुकमार्फत सो जानकारी दिएकी हुन् । योसँगै उनले एकल जीवन सकिएको घोषणा गरेकी छन् ।

नीताले ज्योतिष तथा अभिनेता हरिहर अधिकारीसँग विवाह गर्न लागेकी हुन् । दरबारमार्गस्थित होटल याक एण्ड यतिमै बिहान १० बजेदेखि आयोजना हुने वैवाहिक कार्यक्रममा आफन्त र परिवारलाई मात्र बोलाइएको छ ।

हरिहरसँगको करिब ४ वर्षको प्रेम सम्बन्धनमा बसेपछि उनले विवाह गर्ने भएकी हुन् ।