बेइजिङ- चीनको टियानवेन-१ अन्तरिक्ष यानले मंगल ग्रहका तस्बिरहरू पठाएको छ। खासगरी, मंगल ग्रहको दक्षिणी गोलार्द्धका तस्बिरहरू उक्त यानले पठाएको हो।

टियानवेन-१ ले पूरै मंगल ग्रहलाई आफ्ना तस्बिरमा उतारेको छ। तस्बिरमा मंगल ग्रहका सतहका विशेषता, उपत्यकाहरू र खाडी क्षेत्र समेटिएका छन्। उक्त यानले एक वर्षमा १३ सय पटक मंगल ग्रहको फन्को मारेको थियो। सोही क्रममा खिचिएका तस्बिर पठाएको हो।

उक्त अन्तरिक्ष यानलाई फेब्रुअरी २०२१ मा चीनले मंगल ग्रहको कक्षमा स्थापित गरेको थियो। त्यसपछि एक रोभरलाई मंगल ग्रहको सतहमा उतारिएको थियो। उक्त यानले मंगल ग्रहको दक्षिणी ध्रुवको तस्बिर पहिलोपटक पठाएको हो। त्यस क्षेत्रमा पानी नामोनिशान देखिँदैन।

यसअघि सन् २०१८ मा युरोपेली अन्तरिक्ष एजेन्सीले पठाएको यानले सोही ध्रुवमा जमेको हिउँभित्र पानीको खोजी गरेको थियो।

हेर्नूस् तस्बिरहरू