काठमाडौं- फिल्म ‘चिसो मान्छे’का निर्देशक, लेखक तथा छायाकार दीपेन्द्र के खनालले आफ्नो फिल्म सक्काउन केही सञ्चार माध्यमहरू हात धोएर लागिपरेको आरोप लगाएका छन्।

उनले मंगलबार सामाजिक सञ्जाल फेसबुकमा स्ट्याटस लेख्दै यस्तो आरोप लगाएका हुन्।

आफ्नो फिल्मलाई चल्न नदिन डलर खर्च गरी गरी बुस्टको सहारा लिएको उनको आरोप छ। उनले सञ्चार माध्यमहरूमा प्रकाशित फिल्मको समीक्षाप्रति असन्तुष्टी पोखेका हुन्। खनालले यसअघि ‘पशुपति प्रसाद’, ‘आमा’ जस्ता फिल्म निर्देशन गरेका थिए।