काठमाडौं महानगरमा करिब सात सय मत गणना बाँकी छँदा बालेन शाहले अविजित ६१ हजार ३९० भोट पाएका छन्।

उनका निकटतम प्रतिस्पर्धी कांग्रेसकी सिर्जना सिंहले ३८ हजार १८७ मत ल्याएकी छन्। तेस्रोमा निरन्तर टिकेका एमालेका केशव स्थापितले ३७ हजार ९४४ मत पाएका छन्।

बालेन शाह कांग्रेसकी सिंहभन्दा २३ हजार २०३ मतको अग्रतामा छन्। र, एमालेका स्थापितभन्दा २३ हजार ४४६ मतले अगाडि छन्। यस्तै, सिंह र स्थापितको मतान्तर २४३ छ। मत गणना सकिएपछि मात्र को दोस्रो हुन्छ भन्ने स्पष्ट हुनेछ।

उपमेयरमा एमालेकी सुनिता डंगोलले पनि अविजित ६८ हजार २९० मत पाएकी छन्। उनका प्रतिस्पर्धी एकीकृत समाजवादीका रामेश्वर श्रेष्ठले २३ हजार ६६१ मत पाएका छन्।