कैलाली । नवजीवन सहकारी संस्था लिमिटेड धनगढीको ३२औँ वार्षिक साधारणसभाअन्तर्गत सम्पन्न निर्वाचनको मतपरिणाम सार्वजनिक भएको छ ।
अध्यक्ष पदमा गोपालराज पाठक ४७८४ मतसहित विजयी भएका छन् । उनका निकटतम प्रतिद्वन्द्वी केशवराज मिश्रले ४४६१ मत प्राप्त गर्दा स्वतन्त्र उम्मेदवार घनबहादुर शाहले ३६४४ मत ल्याएका छन् । पाठकले मिश्रलाई ३२३ मत अन्तरले पराजित गरेका हुन् ।
यस्तै उपाध्यक्ष पदमा पाठक प्यानलबाटै उत्तम जोशी ४३०३ मतसहित निर्वाचित भए । उनका निकटतम प्रतिस्पर्धी ईश्वर प्रसाद जोशीले ३९०४ मत प्राप्त गरे भने उपेन्द्र बिष्टले ३१९५ मत पाए ।
यसैगरि, लेखा सुपरिवेक्षण समिति संयोजक पदमा गणेश प्रसाद जोशी ५१७२ मतसहित विजयी हुँदा चेतराज जोशीले ५०३३ मत प्राप्त गरेका छन् ।
त्यस्तै, लेखा सुपरिवेक्षण समिति सदस्यमा खेमराज पाठक ६०४३ मत र गणेश प्रसाद उपाध्याय ४५५९ मतसहित निर्वाचित भए । निकटतम प्रतिद्वन्द्वी टेकराज जोशीले ४३०२ मत प्राप्त गरेका थिए भने दिलीप रोकाया क्षेत्रीले १७४४ मत पाए ।
यसैगरि, सञ्चालक समिति केशवराज जोशी (५१४३), कोमिला कुँवर (४९१३), खेमराज पाण्डेय (३९३२), गणेश बम (३४२६), जयराज जोशी (३२५०), लक्ष्मीराज पाठक (३२०६) र बिर्ख बहादुर शाह (३११८) मतका साथ निर्वाचित भएका छन ।
निर्वाचन समितिले राति अबेरसम्म मतगणना सम्पन्न गरी आधिकारिक परिणाम सार्वजनिक गरेको जनाएको छ । मत परिणाम सहित
