इस्लामावाद- पाकिस्तानी सुरक्षा बलले उत्तरपश्चिमी खैबर पख्तुनख्वा प्रान्तको विभिन्न क्षेत्रमा गुप्तचर आधारमा गरेको सुरक्षा कारबाहीमा २३ जना आतंककारीलाई मारेको सेनाले जनाएको छ ।
पाकिस्तानी सेनाको मिडिया शाखा इन्टर सर्भिस पब्लिक रिलेसन्स (आइएसपिआर) ले आतङ्कवाद विरोधी अभियानको रूपमा प्रान्तको उत्तरी वजीरिस्तान र बन्नु जिल्लामा अपरेसन गरि रहेका बताएको छ ।
प्रान्तमा विभिन्न आतङ्कवादी गतिविधिहरूमा सक्रिय रूपमा संलग्न रहेका कारण मारिएका आतङ्कवादीहरूबाट हतियार, गोलाबारुद र ठूलो मात्रामा विस्फोटक उपकरणहरू पनि बरामद गरिएको जनाइएको छ ।
अभियानको क्रममा आइएसपिआरले आतङ्ककारीहरूले प्रयोग गरेको भूमिगत सुरुङ्ग र बङ्करहरू पनि सुरक्षा बलले पत्ता लगाएर नष्ट गरेको बताएको छ ।
अभियानले यस क्षेत्रका अन्य आतङ्ककारीहरूको नष्ट गर्ने प्रक्रिया जारी राखेको छ, सेनाले जनाएको छ ।