प्रख्यात बाङ्ला टेलिभिजनकी अभिनेत्री पल्लवी डे झुन्डिएको अवस्थामा फेला परेकी छन्। दक्षिण कोलकातास्थित घरमा झुण्डिएको अवस्थामा उनको शव बरामद भएको हो।

२१ वर्षकी पल्लवीलाई नजिकको अस्पतालमा पुर्‍याउँदा डाक्टरले मृत घोषित गरेका थिए। प्रहरीका अनुसार गत अप्रिलमा मात्र उनले उक्त अपार्टमेन्ट भाडामा लिएकी थिइन्। र, लिभ–इन पार्टनरसँग बस्ने गर्थिन्।

उनका पार्टनरले अपार्टमेन्टका केयरटेकरलाई पल्लवीले फाँसी लगाएको बताउँदै बोलाएका थिए। उनीहरूले घरेलु कामदारको मद्दतमा उनको शवलाई निकाले र प्रहरीलाई जानकारी दिए।

प्रहरीले घटनाबारे अनुसन्धान थालेको छ। पोस्टमार्टम रिपोर्ट आएपछि मात्र घटनाबारे यकिन हुने प्रहरीको भनाइ छ। पल्लवीले बंगाली भाषाका टेलिसिरियलहरूमा अभिनय गर्दै आएकी थिइन्। उनी पश्चिमबंगालमा लोकप्रिय अभिनेत्री थिइन्।