गज्जब छ नेपाली राजनीति
गज्जबका सत्ताका सञ्‍चालकहरू

विरोध सुन्‍नै नचाहने
जनताको दुःख दर्द बुझ्‍नै नचाहने

आफ्नो मूल्यांकन आफैंले गर्ने भए
जनताको मूल्यांकनको के मतलब ?

विरोध गरेको नबुझेपछि
असन्तुष्‍टिको स्वर सुनेपछि

केही गर्न नसके
भ्याए हसुर्ने हो !
विरोध गर्नेलाई भकुर्ने हो !
बोल्ने मुख थुन्‍ने हो !

त्यसले पनि नसके
तुरुङमा हाल्ने कानून बनाउने हो

कहिलेसम्म यस्तै बेथिति रहने हो ?
लुटतन्त्र चलिरहने हो ?

यस्तो देवभूमिका जनताको
कुरा नसुन्‍ने भगवान कस्ता ?

कतै यिनीहरूसँग मित गाँस्न
त पुगेका छैनौ भगवान ?

कतै भ्रष्‍टाचारको प्रसादको
स्वाद त मन पर्न थालेको छैन ?