गत शनिबार प्रिमियर लिग अन्तरगतको म्यान्चेस्टर युनाइटेड र इभरटनबीचको खेलमा १–० को अन्तरले म्यान्चेस्टर युनाईटेड हार्यो। खेलपछि मैदानबाट बाहिरिने क्रममा युनाईटेडका स्टार खेलाडि क्रिश्चियानो रोनाल्डोले खेलाडीको फोटो खिचिरहेका एक जना किशोरको मोबाइलमा भूईमा बजारिदिए।
उक्त घटनाको भिडियो सामाजिक संजालमा भाईरल भएपछि प्रहरीले घटनाको अनुसन्धान सुरु गर्न बाध्य भयो।
मेर्सेसाईड प्रहरीले एक वक्तव्य जारी गर्दै प्रिमियर लिगको शनिबारका खेलमा प्रतिस्पर्धा गरेका दुवै क्लबसँग खेलपछिको भएको ‘आक्रमण’को घटनाबारे बुझिरहेको उल्लेख गरेको छ।
‘शनिबार दिउसो २स्३० मा एक किशोरमाथि ‘अवे टिम’का एक सदस्यले आक्रमण गरेको रिपोर्ट आएको छ,’ प्रहरीले वक्तव्यमा भनेको छ। घटनाको यथार्थ बुझ्न रंगशालाको सिसिटीभी फुटेजहरु हरेको र व्यापक सोधपुछ गरिरहेको पनि वक्तव्यमा उल्लेख छ।
उता रोनाल्डोले पनि उनको इन्स्टाग्राममा घटनाका लागि माफी मागेका छन्। ‘कठिन समयमा(हार) भावनाहरु व्यवस्थापन गर्न कहिल्यै पनि सहज हुदैन। तर पनि हामीहरु सधै शिष्ट, धैर्यवान हुनुपर्छ र विशेषत यो सुन्दर खेल मन पराउने युवाहरुप्रति उदारण हुनुपर्छ। म आफ्नो आक्रोसको लागि क्षमा चाहन्छु,’ रोनाल्डोले उनको इन्स्टग्राम पोष्टमा लेखेका छन्। रोनाल्डो उनको रिसको शिकार भएका समर्थकलाई म्यानचेस्टर युनाईटेडको आफ्नै रंगशाला वल्ड ट्राफोर्डको एक खेल हेर्न अबसर दिने पनि बताए छन्।
शनिबारको खेलमा युनाईटेडले अंकतालिकाको पुछारमा रहेर रेलिगेनमा पर्न संघर्ष गरिरहेको इभरटन फुटबल क्लबसँग हारेको थियो। हारपछि अर्को सिजनमा च्याम्पियन्स लिगमा छनौट हुने युनाईटेडका आसामा अर्को धक्का लागेको छ। आगामी वर्षको च्याम्पियन्स लिगमा भाग लिन लिगको शिर्ष चारमा पर्नुपर्ने हुन्छ, जबकि युनाईटेड चौथो स्थनको टोटेनहाम हट्सपरभन्दा ६ अंक कमका साथ सातौं स्थानमा छ।
घटना भएको रंगशालाको मालिक इभरटन फुटबल क्लबले पनि किशोरका आमालाई सम्पर्क गरेर दुई जनालाई रंगशालामा हुने अर्को खेलमा आमन्त्रित गर्ने प्रयास गरेको जानकारी दिएको छ। इभरटनले किशोरलाई आमन्त्रित गर्नुको उदेश्यबारे भनेको छः ‘हामी ती किशोरले जे भोग फुटबल खेलमा सधैं हुने घटना होइन भन्ने आश्वस्त गर्न चाहन्छौ र यो रंगशालको सुन्दर स्मरण दिन चाहन्छौं।’
