मुम्बई- हाल कपुर परिवारमा रमाइलो वातावरण छ। यस परिवारमा अभिनेत्री आलिया भट्ट बुहारी बनेर भित्रिँदैछिन्।

आलिया र रणवीर कपुरको विवाह १४-१७ अप्रिलकाबीच हुने अनुमान गरिएको छ। यहीबीच रणवीर कपुरकी आमा नीतु कपुरले आफ्नो इंगेजमेन्टको फोटो सामाजिक सञ्जालमा सेयर गरेकी छन्।

नीतु सिंह र ऋषि कपुरको ४३ वर्ष अगाडि अर्थात् १३ अप्रिल १९७९ मा इंगेजमेन्ट भएको थियो। इंगेजमेन्ट गरेको करिब नौ महिनापछि सन् १९८० मा यो जोडी विवाह बन्धनमा बाँधिएको थियो। ऋषि कपुरको ३० अप्रिल २०२० मा क्यान्सरको कारणले निधन भएको थियो।