काठमाडौँ । कोष्टारिकामा कार्गो कम्पनी डीएचएलको विमान भाँचिएको छ । बोइङ ७५७ विमान आकस्मिक अवतरण गर्ने क्रममा बीच भागमा भाँचिएर दुर्घटना भएको हो ।

जुआन सान्तामारिया अन्तर्राष्ट्रिय विमानस्थलमा अवतरणका क्रममा विमान धावनमार्गबाट बाहिर गई भाँचिएको हो । सामान्य रुपमा नै अवतरण गरेको विमान धावनमार्गमा झरेर केही गुडेपछि यु टर्न हुन लागेको थियो । सोही क्रममा विमान बीचमा भाँचिएर दुई टुक्रा भएको भिडिओ सामाजिक सञ्जालमा भाइरल भएको छ ।

विमानमा चालक दलका सदस्य मात्र रहेका र उनीहरु सकुशल रहेको डीएचएलले जनाएको छ । उक्त विमान सन् १९९९ मा बनेको हो ।

A much clearer version of the crash landing has emerged!

Source: Unknown#DHL #AvGeek pic.twitter.com/FCYbgFaW0H— AviationSource (@AvSourceNews) April 7, 2022