काठमाडौं- पर्सा जिराभवानी गाउँपालिका-१ गम्हरियास्थित सडकमा बिआर २२ एके ५७०५ नम्बरको मोटरसाइकल आफै अनियन्त्रित भई मंगलबार दिउँसो दुर्घटना हुँदा मोटरसाइकलमा सवार सोही ठाउँ बस्ने ४० वर्षीय हेमन्त दासको मृत्यु भएको छ । दुर्घटनामा गम्भीर घाइते भएका उनको एलएस न्यूरो अस्पताल वीरगंजमा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।

झापा बुद्धशान्ति गाउँपालिका-३ बुद्ध चोकस्थित सडकमा प्र.१-०१-०१३ प ४४९८ नम्बरको मोटरसाइकललाई प्र.१-०१-००१ च ७८३८ नम्बरको पिकअप भ्यानले मंगलबार साँझ ठक्कर दिँदा मोटरसाइकलमा सवार बुद्धशान्ति गाउँपालिका-३ बस्ने ३८ वर्षीया शान्ता सुब्बाको मृत्यु भएको छ । दुर्घटनामा गम्भीर घाइते भएकी उनको बिएण्डसी अस्पताल बिर्तामोडमा उपचारको क्रममा मृत्यु भएको हो । दुर्घटनामा घाइते भएकी मोटरसाइकल चालक सोही ठाउँ बस्ने ४२ वर्षीया कविता लिम्बुको सोही अस्पतालमा उपचार भइरहेको छ । भ्यान चालकलाई प्रहरीले नियन्त्रणमा लिएको छ ।