काठमाडौं- मोरङ केराबारी गाउँपालिका-८ स्थित सडकमा को.२ त ६७०० नम्बरको ट्याक्टरमा ढुङ्गा लोड गरी लैजाने क्रममा ट्याक्टरको अगाडीको भाग उचालिएर ट्याक्टरको स्ट्रिङमा च्यापिएर चालक सोही गाउँपालिका-१० बस्ने १९ वर्षीय पिलिज बिकको मंगलबार बिहान मृत्यु भएको छ । स्ट्रिङमा च्यापिएर गम्भीर घाइते भएका उनको सुकुना अस्पतालमा उपचारको क्रममा मृत्यु भएको हो ।

धनुषा मिथिला नगरपालिका-११ बाहुनमारास्थित सडकमा प्र.१-०२-००२ च ५२६३ नम्बरको पिकअपले ना.५२ प ५१३० नम्बरको मोटरसाइकललाई मंगलबार बिहान ठक्कर दिँदा मोटरसाइकल चालक रौतहट चन्द्रनिगाहपुर नगरपालिका-५ बस्ने ५६ वर्षीय शेर बहादुर राईको घटनास्थलमै मृत्यु भएको छ । पिकअप चालकलाई प्रहरीले नियन्त्रणमा लिएको छ ।