पर्सा- वीरगञ्ज महानगरपालिका-६ स्थित सडकको छेउमा पार्किङ गरी राखिएको सोही ठाउँ बस्ने शुभम शर्माको ना.४३ प ३४४ नम्बरको मोटरसाइकल चोरी भएको घटनामा संलग्न रहेको अभियोगमा ३ जनालाई सोमबार प्रहरीले पक्राउ गरेको छ ।

पक्राउ पर्नेहरूमा वीरगञ्ज महानगरपालिका-१६ ठेगाना भएका २१ वर्षीय संजय कुमार सर्राफ, सोही महानगरपालिका-२ ठेगाना भएका २० वर्षीय असफाक अली र २० वर्षीय चुनचुन बाबु राउत रहेका छन् ।

सडकको छेउमा पार्किङ गरी राखिएको अवस्थामा गत फागुन ७ गते मोटरसाइकल चोरी भएको घटनाको अनुसन्धानको क्रममा उनीहरुले उक्त मोटरसाइकल चोरी गरी संजय कुमार सर्राफको घरमा लुकाई राखेको खुल्न आएपछि उक्त मोटरसाइकल सहित उनीहरूलाई पक्राउ गरेको हो ।