काठमाडौं– अख्तियार दुरुपयोग अनुसन्धान आयोगका आयुक्त जयबहादुर चन्दकाे शब्द रचना रहेकाे ‘मैना चरी’ बोलको गीत सार्वजनिक भएको छ।
बिहीबार राजधानीमा एक कार्यक्रमबीच ‘मैना चरी’ बोलको गीत सार्वजनिक गरिएको हो। नेपाल प्रहरीका पूर्वअतिरिक्त महानिरीक्षक (एआईजी)समेत भएका चन्दकाे शब्द रहेको गीतमा मेलिना राईले स्वर दिएकी छन् भने बसन्त सापकोटाले संगीत भरेका छन्।
महाराज थापाको एरेन्ज रहेको गीतमा प्रियंका कार्कीकाे अभिनय, कविराज गहतराजकाे कोरियोग्राफी रहेकाे छ भने सरोज ओलीले निर्देशन गरेका छन्।
रचनाकार चन्दले गीत राष्ट्रिय भावले भरिएको बताएका छन्। ‘यो राष्ट्रिय भावको गीत हो, स्कुल, कलेज, विवाह, व्रतबन्धतिर सबै क्षेत्र र वर्गका लागि मनोरन्जन तथा आमदर्शक, स्रोतामा राष्ट्रिय भाव जागृत गराउँछ भन्ने मेरो अपेक्षा छ’ उनले भने।
ट्राफिकसम्बन्धी जनचेतना जगाउने ‘सेतो टोपी’ बोलको गीत समेत लेखिसकेका चन्दले गीत संगीतका क्षेत्रमा सक्रिय रहने बताएका छन्।
