काठमाडौँ । भारतको विहार राज्यको चम्पारणमा एउटा बाघले कम्तीमा नौ जनाको ज्यान लिएपछि प्रहरीले गोली हानी मारेको छ ।
‘चम्पारणको नरभक्षी’ भनेर चिनिने उक्त बाघलाई करिब २०० प्रहरी अधिकारी र जिल्ला अधिकारीहरूले शिकार गरेपछि मारिएको थियो । केही प्रहरी अधिकारी हात्तीमा चढेर बाघको खोजी गरेका थिए ।
भाले बाघले वाल्मिकी टाइगर रिजर्भ वरपरका समुदायलाई आतंकित गरिरहेको थियो । भारतमा ७०५ वटा बाघ रहेको छ ।
भारतमा बाघ आरक्ष संरक्षित क्षेत्रहरू यसको जनसंख्याको दरले विस्तार हुन सकेको छैन । यसले बाघलाई बाँच्नको लागि मानव प्रधान परिदृश्यमा फर्कन बाध्य तुल्याएको छ । जसले पशुधन र कहिलेकाहीँ मानिस मारिन्छन् ।
विहार प्रहरीको नेतृत्वमा सितलटोला बालुवा गाउँ नजिकैको उखुबारी घेराबन्दी गरी तीन वर्षे टी १०४ नामको बाघ मार्ने अभियान चलाइएको थियो । उक्त बाघ मानवका लागि खतरनाक पुष्टि भएको उक्त क्षेत्रका प्रमुख बन्यजन्तु वार्डेन कुमार गुप्ताले बताए ।
