काठमाडौँ । नेकपा एकीकृत समाजवादीले १५ भदौभित्र संघ र प्रदेशसभा निर्वाचनको उम्मेदवार सिफारिस गर्ने समयसीमा तोकेको छ ।
आगामी ४ मंसिरमा हुन गइरहेको निर्वाचनका लागि १५ भदौभित्र उम्मेदवारको नाम सिफारिस गर्ने समयसीमा तोकेको हो । पार्टीका प्रवक्ता जगन्नाथ खतिवडाका अनुसार निर्वाचन क्षेत्र समन्वय समितिले १० भदौभित्र जिल्ला कमिटीमा नाम सिफारिस गरिसक्नु पर्ने छ ।
उनका अनुसार क्षेत्रीय कमिटीले १० भदौंभित्र नाम सिफारिस गरेर जिल्लामा पठाएपछि जिल्ला कमिटीले १५ भदौंभित्र प्रदेश कमिटीलाई पठाइसक्ने गरी कार्य तालिका बनाइएको छ ।
प्रदेश कमिटीले १५ भदौमा केन्द्रीय कार्यालयमा नामावली पठाएपछि २० भदौमा पार्टीको केन्द्रीय कार्यालयले प्रतिनिधिसभाका १६५ तथा प्रदेशसभाका ३३० उम्मेदवारको टुंगो लगाउने छ ।
यसरी टुंगो लगाइएका उम्मेदवारलाई सत्ता गठबन्धनको सिट बाँडफाँटअनुसार गठबन्धनबाट उम्मेदवार घोषणा गरिने उनको भनाइ छ ।