काठमाडौँ । आर्मेनियाको राजधानी येरेभानको एक बजारमा भएको विस्फोटमा कम्तिमा छ जनाको मृत्यु भएको । घटनामा १७ जना बेपत्ता भएको देशको आपतकालीन अवस्था मन्त्रालयले सोमबार जनाएको छ ।

मन्त्रालयका अनुसार २८ जना अस्पतालमा भर्ना छन् । विस्फोटपछि तीन तले भवन ध्वस्त भएको छ । अहिले ३५० अग्नि नियन्त्रक र उद्धारकर्ता उद्धारमा जुटिरहेका छन् ।

आर्मेनियाका प्रधानमन्त्री निकोल पाशिन्यानले सोमबार उद्धार कार्यको निरीक्षण गरेका थिए । घटनाका कारणबारे अनुसन्धान जारी छ ।