काठमाडौँ । भारतको अरुणाचल प्रदेशको दुर्गम कुरुङ कुमे जिल्लामा चीनसँगको सीमा सडक निर्माण स्थलबाट दुई साताअघि बेपत्ता १९ मजदुर अझै बेपत्ता भएको भारतले जनाएको छ ।

सडक निर्माणमा खटिएका मजदुर दुई सातादेखि बेपत्ता भएका हुन् । चीनसँगको वास्तविक नियन्त्रण रेखा नजिकै पर्ने उक्त क्षेत्र राज्यको राजधानी इटानगरबाट तीन सय किलोमिटर टाढा पर्छ ।

कुमे नदीमा एक मजदुरको शव फेला परेको अपुष्ट विवरण सार्वजनिक भएको भारतीय सञ्चार माध्यमले जनाएका छन् । त्यसबारे सत्यता प्रमाणित गर्न टोली पठाइएको अधिकारीले जनाएका छन् ।

ठेकेदारले दिएको उजुरीअनुसार आसामबाट गएका ती मजदुर जुलाई ५ मा दामिन सर्कलको सीमा सडक संगठन (बीआरओ)को सडक निर्माण स्थलमा रहेको श्रम शिविरबाट बेपत्ता छन् ।