काठमाडौं– भारतमा कोरोना भाइरस संक्रमणदर पुनः उकालो लागेको छ ।

पछिल्लो २४ घण्टामा यहाँ १७ हजार २२४ जनामा भाइरस संक्रमण पुष्टि भएको छ । उक्त संख्या चार महिनायताकै उच्च हो । यसभन्दा अगाडि १९ जनवरीमा १९ हजार ९६८ जनामा संक्रमण पुष्टि भएको थियो ।

यस्तै, बुधबार १३ हजार ३१३ जनामा संक्रमण पुष्टि भएको थियो । बिहीबार संक्रमणका कारण १३ जनाको मृत्यु भएको थियो । उक्त मृत्युदर बुधबारको तुलनामा तीन गुणा कम हो । बुधबार संक्रमणका कारण ३८ जनाको मृत्यु भएको थियो ।

बितेको २४ घण्टामा १० हजार ९७२ जना कोरोना संक्रमणमुक्त भएका छन् । हाल देशभर सक्रिय संक्रमितको संंख्या ८८ हजार २८४ छ ।